الفعل في اللغة السويدية

مساء الخير جميعاً
الدرس الماضي يوم الأربعاء عطينا لمحة عن الاسم و عن الفعل وشو الفرق بين الأثنين، و عرفنا أنو الفعل يستخدم لأخبارنا بما يفعله الشخص أو شو عم يصير حوالينا و جبنا مثال ( ركضَ – يركض – يركضون – يلعب – لعبَ – يلعبون)
اليوم رح نكمل بدرس جديد عن الفعل، بس نخلص من دراسة الفعل بنكمل بالاسم، لكن قبل هالشي خلينا نعرف من شو بتتركب الجملة في اللغة السويدية. لنعرف قديش الفعل مهم بالجملة.
الجملة السويدية بتتركب بشكل أساسي من
فاعل + فعل + مفعول به.
هذا الشكل الأساسي للجملة السويدية بشكل عام، والمهم في الامر أنو دائماً لازم يكون عنا بالجملة فاعل و فعل و غير هيك ما بيمشي الحال، فعل و فاعل ضروري جداً.

الفاعل في اللغة السويدية

(أنا و أنت و هو و هي و نحن و هم وهما ) هي تسمى ضمائر شخصية و كل واحد منها فاعل و بالسويدية يقابلها

jag أنا.
Du أنتَ/ أنتِ.
Han هو .
Hon هي.
Den هو/ هي لغير العاقل مع كلمات en.
Det هو / هي لغير العاقل مع كلمات ett.

بعد الفاعل بيجي الفعل بالمركز الثاني و هذا الفعل بيكون قسمين و بيسمو مجموعة، مجموعة أفعال (ar) و مجموعة أفعال (er) وبيقصدو فيها نهاية الفعل.
يعني بنطلع على أخر حرفين بالفعل بصيغة الحاضر و هو الشكل الأسهل للفعل مبدئياً لازم يكون نهايتو يا ar أو er
تمام.

مثال :

dansar أنتبهو للنهاية !!
skriver أنتبهو أيضاً للنهاية!!

أصدقائي ضروري نعرف الفرق بين المجموعتين مشان الدرس القادم وقت بدنا نبلش نحول الفعل من الحاضر للأمر للمصدر للماضي، يكون الموضوع سهل.
درس اليوم خلص بدنا منكم المشاركة بالتعليق و الأعجاب، خلينا نتشجع و نكمل معكم للأخر.

اقرأ أيضاً: